Thesare me vlerë mbi 1 miliardë euro janë vjedhur në sallën e famshme të “Gruene Gewoelbe” në Dresden.
Dyshohet se në grabitje mund të jenë përfshirë më shumë se dy persona.
Në këtë muze gjenden rreth 4 mijë objekte të çmuara fildishi, ari, argjendi dhe xhevahire të ndryshme.
Banda ka arritur të vjedhë vetëm bizhutë antike, duke lënë në vend të tjera objekte me shumë vlerë, si vazo dhe piktura.
Grabitja ka ndodhur pas një zjarri të rënë në panelin elektrik, që ka çaktivizuar alarmin dhe dritat e rrugës. Hajdutët janë filmuar nga kamerat, por ende nuk dihet vendndodhja e tyre.
Nga ana tjetër, policia u ka bërë thirrje grabitësve që të mos i shkrijnë objektet me vlera të rralla.
