Gjashtë persona kanë mbetur të plagosur në Athinë pas një sherri mes një grupi shqiptarësh dhe një grupi grekësh. Ngjarja ka ndodhur rreth orës 02:00 pas mesnate në lagjen Gerakas.
Dy prej të plagosurve ndodhen në gjendje më të rëndë. Sipas mediave të Athinës, një shqiptar dhe një grek kanë plagë të shkaktuara nga armë zjarri. Kurse katër persona të tjetër kanë plagë thike.
Policia ka njoftuar se në sherr u përfshinë 3 shqiptarë dhe 3 grekë. Deri tani asnjë prej tyre nuk është arrestuar. Shkaqet e ngjarjes janë të paqarta, edhe pse mediat greke shkruajnë se mund të jetë ndikuar nga vrasja e Kostandinos Kaçifas në Bularat të Gjirokastrës.
