“Tirana Today”, ka shkuar në vendin e ngjarjes ku pasi një shpëtim me tritol në shtëpinë e gjyshit të Xhisiela Malokut. Nga sa shikohet në foto dëmet janë minimale dhe kjo përforcon idenë se sulmi ka pasur vetëm një mesazh paralajmërues.
Ngjarja ka ndodhur mbrëmjen e djeshme në fshatin Larushk Fushë-Krujë. Nga shpërthimi fatmirësisht nuk ka të lënduar. Policia ka shkuar në vendngjarje dhe ka shoqëruar 9 perona.
Ramazan Muça, është gjyshi nga nëna i 25-vjeçares Xhisiela Maloku. Shpërthimi vjen pak ditë pas skandalit, ku Xhisiela Maloku u dhunua nga djali i deputetit të PS-së, Rrahman Rraja që ka mohuar akuzat. Gjithashtu dhe vetë vajza mohoi se është dhunuar por se e kishte denoncuar ish-të dashurin Rexhep Rraja për xhelozi pavarësisht ekspertizës së mjekëve dhe psikologut. Aktualisht Rexhep Rraja ndodhet në burg.
Njoftimi zyrtar i policisë
Fushë – Krujë
Më datë 07.10.2018, rrerh orës 23:30, në fshatin Larushk Fushë-Krujë, në cepin e oborrit që lidh banesat e shtetasëve B.M dhe R.M është hedhur nga rruga dhe ka shpërthyer një sasi e vogël lënde plasëse.
Nga shpërthimi nuk ka të lënduar dhe as dëme materiale.
Policia ka shkuar menjëherë në vendin e ngjarjes.
Janë shoqëruar në Polici 9 persona.
Grupi hetimor vijon veprimet në bashkëpunim me Prokurorinë për zbardhjen e rrethanave të ngjarjes , identifikimin dhe kapjen e autorëve
