Britanikja Daily Mail u ka kushtuar një tjetër artikull kafshëve që po mbahen në gjendje të mjerueshme në një kopsht zoologjik në Fier.
Pas publikimit të artikullit të parë nga kjo medie, autoritetet shqiptare reaguan, duke marrë vendimin që këto kafshë do të shpëtoheshin. Por, sipas aktivistëve të të drejtave të njeriut, këto kafshë vazhdojnë të keqtrajtohen në “koopshtin zoologjik të ferrit”.
Fotot tronditëse të shkrepura në kopshti zoologjik të Parkut Safari në Fier në fillim të kësaj jave, tregojnë një luan të kequshqyer me një infeksion të rëndë në sy. Po ashtu, në foto duken kafshë të tjera si një zebër, një ujk që duket shumë i hollë dhe disa dre të mbyllur në kafaze prej betoni.
Fotot nxitën zemërimin ndërkombëtar dhe bënë që ministri i Turizmit dhe Mjedisit Blendi Klosi, të urdhëronte shpëtimin urgjent të kafshëve të martën.
Por, një organizatë e të drejtave të kafshëve që ka bërë një peticion, ku i kërkon qeverisë të lirojë kafshët, i ka thënë sot Daily Mail se “kafshët janë ende në kopshtin zoologjik dhe gjendja e tyre po përkeqësohet dita-ditës”.
Teksa postoi një fotografi në kopshtin zoologjik të martën, Klosi shkroi: “Në përgjigje të lajmeve të publikuara në Daily Mail dhe dhjetëra mesazheve mbi situatën e papranueshme ku disa kafshë jetojnë në një kopsht zoologjik privat në Fier, unë urdhërova urgjentisht nisjen e një veprimi nga Inspektorati i Mjedisit, i cili në bashkëpunim me Policinë e Fierit dhe Shoqatën për Mbrojtjen e Kafshëve kanë vendosur të zhvendosin kafshët për t’i mbrojtur ato”.
Megjithatë, pavarësisht reagimit të menjëhershëm të Ministrit të Turizmit, duket se nuk ka rezultuar në veprimin e menjëhershëm të treguar në njoftimin e tij në Facebook.
Të mërkurën u njoftua se kopshti zoologjik ishte bllokuar përkohësisht nga qeveria, por nuk ishte ndërmarrë asnjë hap për evakuimin e kafshëve.
Ioana Dungler, Drejtorja e Departamentit të Kafshëve me Katër Parave, organizatë kjo austriake, arriti dje në kryeqytet në Tiranë për të takuar zyrtarë dhe për të diskutuar evakuimin e kafshëve.
“Kafshët ende vuajnë në kopshtin zoologjik të Safarit në Fier dhe Katër Putrat planifikon t’i shpëtojë ato brenda dy javëve të ardhshme”, tha Dungler.
“Evakuimi i kafshëve të egra aktualisht nuk është i mundur për shkak të kufizimeve ligjore, prandaj na duhet të presim miratimin zyrtar nga autoritetet shqiptare. Ndërsa kushtet e kafshëve po përkeqësohen me shpejtësi, çdo sekondë llogaritet. Po punojmë bashkë me autoritetet shqiptare dhe shpresojmë të gjejmë një zgjidhje të kënaqshme për t[u ofruar më në fund këtyre kafshëve plotësimin e nevojave. Si një hap fillestar, ne do t’i sjellim ata në një vend të sigurt ku do t’u japim atyre ndihmën e parë, më pas do të shqyrtojmë zgjidhje të përhershme.”
Imazhet e publikuara më parë këtë javë u morën nga një fotograf anonim, i vendosur për t’i ekspozuar kushtet e mjerueshme në kopshtin zoologjik./ Përshtati TIRANA TODAY
