Ish-kryeministri Sali Berisha u shpall person ”non grata” së bashku me familjen e tij, nga Departamenti Amerikan i Shtet, me arsyetimin se është përfshirë në korrpusion.
Ky vendim erdhi 8 vite pasi ai ka lënë pushtetin dhe pas zgjedhjeve të 25 prillit, ku opozita doli humbëse. I ftuar në emisionin ”Zonë e Lirë”, analisti i njohur Arian Çuri, pati dyshimet e tij nëse ky vendim për Berishën do të merrej, nëse opozita do të kishte fituar zgjedhjet.
Sipas tij, vendimi i DASH është politik, pasi nëse do të kishin prova, nuk do të kishin pritur deri tani për të shpallur ”non grata” Berishën.
Arian Çuri: “Të arrijë një njeri të lobojë në DASH të shpalli non-grata një person që ka qenë kundërshtari i tij më i fortë politik, i bie është shumë i fuqishëm. I vetmi person që është prekur ndoshta më shumë nga deklaratat e Berishës, është Rama. Ai do ishte më i përfituari në këtë rast se e damkos përjetësisht armikun e tij politik. Është kjo dilemë; A do të shpallej Berisha non-grata nëse zgjedhjet do t’i kishte fituar opozita? Pse priti DASH të zhvilloheshin edhe zgjedhjet? Ka të tjerë që thonë se nëse do fitonte opozita e bashkuar nuk do ta kishin bërë publike të paktën. Dyshoj se kjo shpallje është vetëm për arsye politike se po të mos ishte kështu, do thosha se këta që kanë pasur prova tërë këto vite dhe të mos t’i japësh, është fshehje provash kjo”.
