Vllaznia ka marrë vetëm një fitore në ndeshjen e parë të Superligës, përballë Lushnjes dhe më pas ka dështuar të gjejë fitoren. Në gjashtë javë kampionat Cungu arrin të marrë vetëm një fitore, dy barazime dhe dy humbje, duk grumbulluar vetëm 5 pikë e duke u renditur në vendin e 8.
Në drejtimin e Vllaznisë prej janarit 2016, Armando Cungu është dorëzuar. Është ankuar gjithnjë, për organizimin, financat e merkaton, por nuk ka parë ndryshim dhe starti mediokër i sezonit e ka bërë të kuptojë se nuk ia vlen të vazhdojë më. Dorëheqje, e pranuar nga kryebashkiakja Ademi, edhe pse pa njoftim zyrtar.
Kjo e fundit ka takuar sot Ernest Gjokën. Trajneri kampion i sezonit të fundit është pushim prej korrikut, pasi mbylli aventurën me Kukësin, ndërsa ka pritur me qetësi ofertat.
Vllaznia ia ka bërë një të tillë, duke i kërkuar të informohet për kërkesat e tij dhe kushtet. Gjoka ka marrë informacionin e nevojshëm, ka shpalosur edhe planet e tij, por ndërkohë ka kërkuar edhe kohë, për të vendosur dhe për të pritur që Bashkia Shkodër të mbyllë fillimisht epokën Cungu, pasi mungon vendimi zyrtar.
Formalitete, me shumë mundësi Gjoka kthehet nesër në Shkodër për firmën dhe prezantimin.
