Kryeministri Edi Rama ka përsëritur thirrjen për të qenë të vëmendshëm banorët e zonave përreth Vjosës që do të preken në orët në vijim nga prurjet e shumta të ujit.
I shoqëruar nga ministrja e Mbrojtjes Olta Xhaçka nga kreu i Policisë Haki Çako dhe kryebashkiakun e Fierit Armando Subashi kanë shkuar te Ura e Mifolit, Rama ka shkuaer te ura Milofit, ku kanë nisur evakuimet nga 4 fshatra.
“Dua të falënderoj Lulzim Bashën që dje ka shprehur mirëkuptimin për të ndërprerë diskutimet që ishin në rendin e ditës për buxhetin nga ana e opozitës dhe për të na dhënë mundësinë të mbyllim seancën në një kohë të arsyeshme që të ishim në krye të detyrës. Dua të falënderoj shumë sinqerisht ministren e Mbrojtjes e cila prej atij momenti e deri sot ka qenë në terren gjatë natës bashkë me FA me grupet e organizuara të Policisë dhe Emergjencave Civile. Kemi gatishmërinë më maksimale se asnjëherë tjetër se kemi nxjerrë dhe mësime të së skuadrës por edhe kalimi i Emergjencave Civile në varësinë e ministrisë së Mbrojtjes ka përfitueshmërinë e vetë.
Situata ishte e paralajmëruar, fuqitë njerëzore sado të mëdha në këto raste janë të kufizuara deri tani falë operacioneve të shpëtimit gjatë natës që ka qenë shumë e vështirë është siguruar të mos kemi
humbje në jetë njerëzish. Fatkeqësisht ka humbur jetën një elektricist i OSHEE në krye të detyrës. Dua të falënderoj edhe kryetaret e bashkive pa dallim, për të gjithë punën që kanë bërë dhe po bëjnë dhe të përsëris apelin për të gjithë qytetaret në zonat e prekshme, parashikohet fryrje e lumit të Vjosës, të jenë vazhdimisht të vëmendshëm dhe t’i përgjigjen kërkesës së strukturave për t’u evakuuar. Te shpëtojmë jetët e njerëzve, të shpëtojmë bagëtitë dhe pastaj pjesa tjetër është momenti i bilanceve”, tha Rama.
