Ju ka ndodhur ndonjëherë që të shkoni të drekoni apo darkoni në një restorant, dhe çmimet janë katastrofike? Deri këtu nuk përbën ndonjë çudi, pasi gjatë sezonit veror, bizneset ngrenë çmimet për të kapur diçka më shumë, si dhe për të justifikuar kohën kur nuk ka patur qarkullim të mjaftueshëm të klientelës.
Ndër vite qytetarët kanë denoncuar me zë e figurë për çmimet e papërballueshme e mbi të gjitha të pajustifikuara, duke nisur nga produktet që ofrojnë dhe në fund tek shërbimi. Por një restorant në Durrës ka kaluar përtej imagjinatës, duke faturuar edhe muzikën live.
Në rrjet më herët kanë qarkulluar fatura që pronari i biznesit vendoste çmim për mbulesën e tavolinës, e tashmë i shtohet listës së çudirave edhe muzika live. Kjo faturë që është postuar nga JOQ Albania, të bën të reflektosh dy herë para se të merrni një shërbim nga restorantet në vend.
Duhet theksuar se jo të gjithë abuzojnë në këtë lloj forme, por ama një shembull i tillë nuk i shërben vendit tonë e mikëpritjes që aq shumë reklamohemi.
