Një episod gjatë një ndeshje ka bërë të famshme dy skuadra që luajnë në kampionatin e Dagestanit. Në ndeshjen mes Kiz dhe Manas, gjatë ekzekutimit të një penalltie të goditur nga sulmuesi Keesi, portieri arrin ta devijojë topin në të djathtë, aty ku ndodhej pikërisht arbitri i ndeshjes.
Topi përplaset në kokën e tij dhe merr një trajektore të çuditshme duke përfunduar në rrjetë. Lojtarët e Kiz protestuan që penalltia të përsëritej, por sipas rregullores goli është i rregullt.
Ndeshja përfundoi 4-4 dhe arbitri kërkoi falje në fund.
