Yjet e famshëm të kinemasë marrin dhurata të çuditshme dhe ekstravagante nga fansat e tyre besnikë. Më mbresëlënësja ishte dhurata që i bëri një fanse yllit të Hollivudit, Charls Bronson.
Në vitin 1996, Audrey Knauer nga Louisville në SHBA, vendosi t’i lërë aktorit të gjithë pasurinë e saj prej 300 mijë dollarësh. Knauer vdiq një vit më vonë në moshën 55 vjeçare, ndërsa testamentin e kishte shkruar me dorën e saj. Ajo njihej si një fanse e çmendur e aktorit të njohur, ndonëse nuk e kishte takuar asnjëherë personalisht.
Po sipas vullnetit të saj, nëse Bronson refuzonte t’i merret paratë, ato i kalonin bibliotekës së qytetit. Por familjarët e saj, të mbetur më gisht në gojë e hodhën në gjyq këtë vendim. Sipas tyre Audrey nuk ishte mirë mendërisht kur shkroi testamentin. Në fund Bronson dhe familjarët arritën një marrëveshje jashtë gjykatës për ndarjen e 300 mijë dollarëve, ndërsa biblioteka nuk mori asgjë.
