Cristiano Ronaldo ka vendosur t’i japë fund beqarisë, duke bërë një hap të madh në jetën e tij, teksa ka propozuar për martesë të dashurën Georgina Rodriguez.
Bukuroshja spanjolle i ka thënë “po” yllit portugez dhe tashmë ka filluar të provojë fustane nusërie, raporton Correio da Manha.
“Cristiano i ka kërkuar Georginës të martohet me të dhe dasma do të bëhet shpejt, por pak njerëz dinë detaje. Gjithçka që dihet për momentin është se Gio po provon tashmë fustane nusërie”, vijon gazeta.
Çifti jeton në Itali, që kur Ronaldo iu bashkua Juventusit. Ata janë fotografuar me unaza të kombinuara Cartier në një darkë romantike në Londër.
Georgina u takua me Ronaldon në një dyqan të markës Gucci në Madrid, teksa punonte si shitëse. Ajo është fotografuar me një unazë me gur diamanti, që mendohet se kap vlerën e 615 mijë paund.
