Ylli portugez ka treguar se është bërë baba i dy fëmijëve të tjerë.
Cristiano Ronaldo tashmë është baba i tre fëmijëve, pasi ka konfirmuar lindjen e binjakëve. Portugalia u eliminua nga Kupa e Konfederatave, pasi humbi me penallti kundër Kilit.
Nëpërmes një njoftimi në “Facebook”, Ronaldo ka treguar për lindjen e një vajze dhe një djali.
“Isha në shërbim të ekipit kombëtar, si gjithmonë, me trup e me shpirt, edhe pse dy femijet e mi kanë lindur. Për fat të keq, ne nuk e kemi arritur objektivin kryesor sportiv që dëshironim, por jam i sigurt se do të vazhdojmë t’u japim gëzim portugezëve”, ka shkruar Ronaldo.
“Presidenti i Federatës Portugeze të Futbollit dhe ekipi kombëtar sot kanë pasur një qëndrim, që më ka prekur dhe nuk do ta harroj. Unë jam shumë i lumtur që më në fund do të jem me fëmijët e mi, të cilët do t’i shoh për herë të parë”, ka shkruar portugezi.
Kapiteni portugez, Ronaldo shënoi dy herë për kampionët evropianë në Kupën e Konfederatave, por nuk arriti të ishte në formën fizike më të mirë.
