Në 24 orët e fundit në Maqedoninë e Veriut janë regjistruar 162 raste të reja me koronavirus.
Me rastet e sotme numri i të infektuarve arrin në 18,138, prej të cilëve 15,068 janë shëruar. Numri i rasteve aktive është 2,327.
Ndërkohë, 4 persona kanë humbur jetën duke e çuar në 743 numrin total të viktimave.
Autoritetet shëndetësore në vend, bëjnë me dije se 109 pacientë e kanë fituar betejën me COVID-19.
Ndërkohë, Ministria e Shëndetësisë i bën thirrje qytetarëve që të tregohen të kujdesshëm dhe të respektojnë masat e vendosura në kuadër të parandalimit të përhapjes së koronavirusit.
