Coronavirusi duket se është shumë afër Shqipërisë, e ndërsa një burrë i infektuar është izoluar në karantinë. Së fundmi dyshohet për një rast të infektuar në Selanik të Greqisë. Bëhet fjalë për një person të moshës së mesme, që kishte vizituar Kinën në javët e fundit, por të dhënat e tij ende nuk bëhen të njohura.
Nga organet greke të Shëndetësisë në qytetin e Selanikut, mësohet se një person i dyshuar se është prekur nga coronavirusi është shtruar në spitalin AXEPA. Simptomat janë të ngjashme me ato që shkaktohen nga virusi vdekjeprurës.
Ky është rasti i parë i dyshuar ne Selanik, i një pacienti që po kontrollohet nëse është infektuar apo jo nga coronavirusi. Pacienti aktualisht është në karantinë, në një sallë me të gjitha aparaturat e nevojshme dhe analizat e tij janë dërguar në Institut për të përcaktuar nëse është virusi vdekjeprurës apo një rast i thjeshtë gripi.
Organizata Botërore e Shëndetësisë ka shpallur një emergjencë globale pas përhapjes së coronavirusit. Sipas BBC, OBSH-ja është mbledhur në një konferencë të jashtëzakonshme, me dyer të mbyllura, dhe ka vendosur që të shpallet emergjenca ndërkombëtare.
Lufta me coronavirusin është kthyer në një betejë me të panjohurën për mjekët.
Çfarë i shkakton trupit ky coronavirus i rrezikshëm? Fillimisht pacientët përjetojnë pneumoni, mushkritë e tyre ishin plot me inflamacione, ndërsa tubat ku oksigjeni kthehet në ajër, mbushen me ujë.
Kjo është simptoma të cilën përjetojnë të gjithë pacientët pa përjashtim, ndërsa simptomat e tjera ndryshojnë në varësi të pacientit.
