Ndryshimi i kufijve mes Kosovës dhe Serbisë, padiskutim që ka nxjerrë në skenë protagonistët kryesorë të skenës politike, në Kosovë, Serbi e Shqipëri. Kjo çështje me mjaft peshë ka marrë udhë vite më parë, ndonëse tani ajo po trajtohet më specifikisht.
https://tiranatoday.com/ndryshim-kufijsh-kosove-serbi-zbardhet-deklarata-bombe-e-albin-kurtit-para-8-vitesh/
Jo vetëm analistët, por edhe klasa politike në Shqipëri e cilësojnë mjaft të “çuditshme” dhe të dyshimtë hapjen e debatit në këtë fazë për shkëmbim territori. Nëse Thaçi pretendon një marrëveshje historike me Serbinë, çfarë fshihet pas kësaj?
Presidenti i Serbisë, Aleksandër Vuçiç, nënvizoi sot se nuk ka zgjidhje të lehtë dhe pa dhimbje për zgjidhjen e problemeve me Kosovën.
Aleksandër Vuçiç është shprehur ndër të tjera se Serbia, që nga nënshkrimi i marrëveshjes së Brukselit, ka dhënë gjithçka nga vetja që të jetë partner i sinqertë jo vetëm ndaj shqiptarëve, por edhe ndaj bashkësisë ndërkombëtare.
“Shqiptarët, heshturazi, pa ndonjë kundërshtim të qartë kundër BE-së, nuk e kanë përmbushur obligimin, e kjo është formimi i Asociacionit”, tha Vuçiç.
Sipas tij, Serbia ka insistuar në formimin e ASK-së. Ai sërish ka bërë apel tek serbët në Kosovë që të jenë “të qetë dhe mos të bien në provokime të mundshme”.
Kjo gjë është e papranueshme për kryeministrin e Kosovës, Ramush Haradinaj, i cili është shprehur kundër Thaçit, duke i bërë të ditur se kufijtë ndryshohen vetëm me luftë.
https://tiranatoday.com/haradinaj-zbarkon-ne-vlore-injoron-ramen-kufijte-ndryshohen-vetem-me-lufte/
Duke qëndruar në të njëjtën linjë, pas tij ka reaguar Thaçi, ku shpreh bindjen se korrigjimi i kufijve mund të arrihet në mënyrë paqësore, e për ata që sipas tij mendojnë se kjo është një ide e keqe, ai ka një mesazh.
https://tiranatoday.com/thaci-propozon-referendum-per-shkembim-territoresh-me-serbineberisha-smund-te-pastrohesh-me-mbetje-te-kuzhines-se-beogradit-video/
Pavarësisht lojës mediatike, me gjasë, të dy liderët kanë përpara tryezave një hartë rruge të përcaktuar qartë. E krejt natyrshëm na lind pyetja: Mbi ç’baza kanë rënë dakord Thaçi dhe Vuçiç? Me kë i kanë konsultuar lojrat e tyre me harta?
