Udhëheqësi i Koresë së Veriut Kim Jong Un ka paralajmëruar për një situatë të rëndë të lidhur me pandeminë e koronavirusit, duke ngjallur frikën e shpërthimit të një vale të re në vendin e izoluar.
Diktatori akuzoi zyrtarë të lartë për paaftësi në trajtimin e përpjekjeve të Koresë së Veriut për të parandaluar përhapjen e Covid-19, sipas një deklarate nga Agjencia Qendrore Koreane e Lajmeve, shkruan the Financial Times.
”Neglizhenca e zyrtarëve ndaj vendimeve të rëndësishme të partisë përballë krizës shëndetësore kishte “shkaktuar një incident të rëndë që paraqet një krizë të madhe për sigurinë e kombit dhe njerëzve të tij”, tha Kim.
Sistemi shëndetësor i shtetit komunist, ka mungesë të madhe të burimeve, fondeve dhe teknologjisë së nevojshme për t’iu përgjigjur një shpërthimi të pakontrolluar të Covid-19, megjithë arsenalin e armëve kimike dhe bërthamore të regjimit të vendosur nga Kim.
Sipas azhurnimit më të fundit të Organizatës Botërore të Shëndetësisë, që nga 17 qershori Koreja e Veriut nuk ka patur asnjë rast me Covid-19 edhe pasi kishte testuar 31.000 qytetarë me Covid19. Por lëvizja është kufizuar më tej midis kryeqytetit Penian dhe provincave. Koreanët e Veriut janë të shqetësuar se humbja e peshës së liderit të tyre është një shenjë që ai po kalon virusin.
Vendi komunist i ka thënë Organizatës Botërore të Shëndetësisë se nuk ka regjistruar asnjë rast me Covid-19 pas testimit të mbi 30.000 personave.
Por, ky pretendim është pritur me skepticizëm nga komuniteti ndërkombëtar. Ekspertët kanë paralajmëruar se shërbimi shëndetësor në këtë shtet nuk është i pajisur mirë për t’u përballur me ndonjë përhapje masive të virusit, shkruan media shtetërore.
