Covid-19 ka hyrë edhe në Shtëpinë e Bardhë, pasi një zyrtar është infektuar edhe pas vaksinimit me dy doza. Ai ka patur simptoma të lehta të Covid-19, dhe fatmirësisht nuk ka patur kontakt me asnjë nga zyratrët e tjerë, shkruan Us News.
Zyrtari i cili u sulmua nga Covid-19 mbetet jashtë ambienteve të Shtëpisë së Bardhë në pritje të provave të mëtejshme për të konfirmuar rezultatet.
Varianti Delta, 83% e rasteve me Covid-19 në SHBA
Varianti Delta, i identifikuar për herë të parë në Indi, tani vlerësohet se përbën 83% të të gjitha rasteve të reja Covid-19 në Shtetet e Bashkuara të Amerikës. Lajmi u bë i ditur nga mjekja Rochelle Walensky, njëherësh drejtoreshë e Qendrave për Parandalimin dhe Kontrollin e Sëmundjeve.
Ky variant, jo vetëm që ka rritur numrin e rasteve të reja, por edhe të viktimave, të cilët nuk kanë mundur ta fitojnë betejën me këtë virus. Numri i vdekjeve është rritur me 48% gjatë kësaj jave.
Varianti është edhe më ngjitës sesa varianti Alfa, i cili u identifikua për herë të parë në Britaninë e Madhe dhe u vlerësua nga zyrtarët e shëndetit publik që të ishte midis 43% deri 90% më i transmetueshëm se Covid-19. I zbuluar në muajin tetor të vitit 2002,varianti Delta është përhapur që në më shumë se 100 vende, sipas të dhënave të Organizatës Botërore të Shëndetësisë.
