Për shkak të rritjes drastike të çmimit të naftës, benzinës dhe gazit, qytetarët kanë paralajmëruar për një protestë. Në rrjetet sociale është bërë thirrje për një protestë në orën 12:00.
Gjatë mesditës, qytetarët duhet të fikin automjetet kudo ku ndodhen në qytet, në shenje revolte për këtë rritje stratosferike.
Qeveria krijoi Bordin e Transparencës që duhet të mbajë nën kontroll çmimet, dhe të mos lejojë abuzimet. Megjithatë, pikërisht ky Bord vendosi dje që shqiptarët ta blejnë naftën me 258 lekë/litri, benzinën me 243 lekë/litri dhe gazin 86 lekë/litri.
