Indeksi i çmimeve të Konsumit gjatë muajit Shtator 2017 mbeti i pandryshuar në 1,6%, normën më të ulët të vitit 2017, kundrejt 1,8% që ishte një vit më parë.
Sërish grupi “ushqime dhe pije joalkoolike” ka pasur ndikimin kryesor në rritje, me 1,34 pikë përqindje.
Ndikim pozitiv kanë patur edhe grupet “Qira, ujë, lëndë djegëse dhe energji” duke kontribuar me 0,22 pikë përqindje, apo “Transporti”, që kontribuoi me 0,05%.
Nga ana tjetër, grupet “Veshje dhe këpucë”, si dhe “Mobilje, pajisje shtëpie dhe mirëmbajtje e shtëpisë” kanë shënuar rënie, duke kontribuar negativisht me përkatësisht -0,06 dhe -0,05 pikë përqindje.
Rritja më e madhe e çmimeve, krahasuar me muajin gusht 2017, vërehet në grupet “Veshje dhe këpucë” me 2,4 %, pasuar nga grupi “Argëtim dhe kulturë” me 2,2% dhe “Ushqime dhe pije jo alkoolike” me 0,5 %.
Ndërkohë, ulja më e madhe e çmimeve vërehet në grupet “Shëndeti” dhe “Mobilje, paisje shtëpie dhe mirëmbajtje” me nga 0,1 % secili.
