Historitë absurde të regjimit komunist ndaj njerëzve të ndryshëm nuk kanë fund. Një të tillë e ka publikuar edhe vetë shkrimtari dhe asokohe gazetar, Lazër Stani.
Ajo duket një histori sa qesharake aq edhe për të vënë duart në kokë, pasi bëhet fjalë për tetorin e vitit 1990. Stani ka publikuar një vendim të pushimit të tij nga detyra e redaktorit të gazetës “Zëri i Rinisë” për shkakun se ishte fejuar me Luljeta Lleshanaku, e cila sipas komunistëve ishte mbesa e armiqve të betuar të Partisë së Punës.
Dokumentin të cilin Stani e ka publikuar në rrjetin e tij social në Facebook, kur shkruan se “këtë regjim kishim në tetor të vitit 1990. Se çfarë ndodhi më pas do ta tregoj herë tjetër…”
Luljeta Lleshanku është bashkëshortja e Lazër Stanit dhe gjithashtu, shkrimtare e poete.
