Një sherr që nisi nga zhurmat e një fëmije 3-vjeç, përfundoi me të shtënat me armë zjarri e një të plagosur. Kjo ngjarje e rëndë ka ndodhur një ditë më parë në zonën e Kodrës së Diellit në Tiranë, ku mbeti i plagosur me armë zjarri Jonian Shehu. Sherri mes komshinjve ka vijuar me të shtënat me armë.
Shkak i konfliktit ka qenë zhurma që shkaktonte djali 3-vjeç i autorit të plagosjes, Olsi Bllaci. Fillimisht ka qenë bashkëshortja e të plagosurit, Jonian Shehu, e cila është përfshirë në një debat me Bllacin.
Sipas saj, djali 3-vjeç i familjes Bllaci shkaktonte zhurmë, duke shqetësuar djalin e saj 2-vjeç, i cili ishte në gjumë. Më pas, gruaja është ankuar te bashkëshorti i saj Joniani, ku është shprehur se komshiu e ka ofenduar. Kaq ka mjaftuar që të ndizej konflkti, ku autori ka nxjerr armën e zjarrit tip pistoletë, të cilën e mbante pa leje dhe ka qëlluar me dy plumba komshiun. Plumbat e kapën një në bark dhe një në këmbë.
Jonian Shehu ndodhet i shtruar te Spitali i Traumës, fatmirësisht jashtë rrezikut për jetën. Behet me dije se autori është shpallur në kërkim, dhe po punohet për arrestimin e tij.
