Policia e Fierit ka arrestuar një 50-vjeçar nga Polonia, pasi drejtonte automjetin tip “Ferrari” me targa gjermane me 231 km/h. Shtetasi T. S., është arrestuar pasi është konstatuar nëpërmjet radarit me shpejtësi gati trefish mbi limitin e lejuar. Nga verifikimet e kryera në bashkëpunim me Interpolin, ka rezultuar se ky automjet është i shpallur në kërkim në Gjermani, për mungesë siguracioni. Po kështu bëhet me dije se leja e drejtimit që ky shtetas i paraqiti punonjësve të policisë, ka qenë e falsifikuar.
Njoftimi
Fier/Policia Rrugore kontrolle intensive me radar në Bypass-in e Fierit, për parandalimin e aksidenteve rrugore. Me patentë të falsifikuar dhe me shpejtësi gati trefish mbi limitin e lejuar, Policia e Fierit vë në pranga 50-vjeçarin nga Polonia. Në Bypass-in e Fierit, shërbimet e Policisë Rrugore kanë konstatuar nëpërmjet radarit, automjetin tip “Ferrari” me targa gjermane, që drejtohej me shpejtësi 231 km/h, nga shtetasi T. S., 50 vjeç, nga Polonia. Nga verifikimet e kryera në bashkëpunim me Interpolin ka rezultuar se ky automjet është i shpallur në kërkim në Gjermani, për mungesë siguracioni. Gjithashtu, leja e drejtimit që ky shtetas i paraqiti punonjësve të Policisë, ishte e falsifikuar.
