Zlatan Ibrahimoviç ka patur një debutim fantastik në MLS, tek ekipi i LA Galaxy, pasi në ndeshjen e parë arriti të shënonte dy gola dhe të përmbyste ndeshjen. Ndërsa kjo ishte ndeshja e tij e parë si titullarë dhe goli nuk mungoi. Gjiganti suedez shënoi një gol me vlerën e tre pikëve në përballjen me Chicago Fire të Bastian Shvainstaiger.
Mundësitë që të shohim Zlatan Ibrahimoviç në kampionatin botëror ‘Rusi 2018’, por rriten gjithnjë e më shumë. Këtë e konfirmon vetë sulmuesi shtatlartë, që nëpërmjet një Twitteri nga llogaria e tij, ka shkruar: Mundësitë për të shkuar në Botëror, por rriten.
Zlatan Ibrahimoviç u tërhoq nga kombëtarja suedeze pas dëmtimit të rëndë që pësoi sezonin e kaluar, por kualifikimi në Botëror i Suedisë, bëri që të ndryshojnë skenarët. Gjithsesi, pjesëmarrja e tij në Botëror duhet të marrë edhe ‘bekimin’ e FIFA-s, që mund ta ndalojë, pasi Ibra ka shkelur Kodin e Etikës, duke pranuar të nënshkruajë kontratë sponsorizimi me një kompani bastesh.
