Më në fund, pas ditëve të ftohta e me shi, fundjava do të jetë e ngrohtë thuajse në të gjithë vendin.
Sipas sinoptikanëve, temperaturat do të rriten në fundjave, duke e bërë motin të favorshëm edhe për plazh.
“Fundjava do të dominohet nga moti i kthjellët po ashtu priten temperaturat të jenë shumë të favorshme edhe për në bregdet. Presim që maksimumi të shkojë të shtunën dhe të dielën në 24-25 gradë”.
Megjithatë, fundi i marsit pritet të sjellë një valë të ftohti:
“Pritet që në 10-ditëshin e fundit të muajit Mars të kemi një 3-4 ditësh shkëputje nga normaliteti i stinës së Pranverës, ku pritet një rënie e theksuar e temperaturave dhe nëse do të shoqërohet edhe me reshje, do të shohim reshje dëbore.”
Sinoptikanët kanë parashikuar se deri në fund të tij, Marsi do të ketë më shumë ditë me shi.
