Edhe sot jeni të favorizuar nga temperaturat e larta. Të gjithë ata që e kanë në plan për të shkuar në plazh, do ta çojnë misionin e tyre deri në fund. Sipas MeteoAlb, pjesa e parë e ditës së premte paraqitet nën ndikimin e motit të kthjellët në të gjithë Shqipërinë.
Sërish pasditja sjell vranësira kalimtare në ekstremin Verior dhe zonat Juglindore, ndërsa vijon dominimi i motit të kthjellët në pjesën më të madhe të territorit.
Temperaturat e ajrit rriten lehtë në mëngjes dhe mesditë, duke variuar nga 15 deri 36°C, maksimumi i pritshëm në Jugperëndim të vendit.
Era do të fryjë deri mesatare, me shpejtësi 30 km/h nga drejtimi Jugperëndimor – Perëndimor, ndërsa në det vijon dallgëzimi 1 – 2 ballë.