Mediat italiane shkruajnë se ish-trajneri i kombëtares shqiptare të futbollit, Christian Panucci, i ka dhënë fund lidhjes së tij 3-vjeçare të dashurisë me kërcimtaren Samanta Togni. “Style24.it” ka publikuar lajmin, por deri tani nuk ka pasur asnjë reagim nga palët.
Samanta Togni dhe Christian Panucci u njohën në spektaklin italian “Ballando con le stelle”, nga ku nisi edhe lidhja e tyre e dashurisë.
Ish-mbrojtësi i Romës është baba i një djali, nga martesa e tij e parë që zgjati 9 vite.
Kujtojmë këtu faktin se Panucci qëndroi në stolin e Shqipërisë për afro dy vite, ndërsa u shkarkua për shkak të rezultateve të dobëta.
