Përfundojnë dy ndeshjet çerek-finale të UEFA Champions League. Mançester Siti ka mundur 2-1 Borusian e Dortmundit. “Qytetarët” zhbllokuan shifrat në minutën e 19 me Kevin De Brojn.
Belgu nisi aksionin me një lëvizje të bukur në mesfushë dhe e finalizoi me gol, pas asistit të Mahrez. Kapiteni mori një pasim të bukur nga Haland dhe mposhti Ederson me lehtësi.
Në ndeshjen tjetër, Liverpuli është dorëzuar ndaj Realit të Madridit në “Santiago Bernabeu”. Skuadra e Jurgen Klop është mundur nga madrilenët me rezultatin e pastër 3-1.
Ekipi i Zinedin Zidan zhbllokuan takimin në minutën e 27 me Vinisius Zhunior. 9 minuta më vonë, Reali gjeti edhe golin e dytë me Marko Asension.
Liverpuli është zgjuar në minutën e 51, teksa shkurtoi diferencën me Mohamed Salah. Në fije të pozicionit jashtë loje, egjiptiani gjeti devijimin e duhur dhe shënoi për “Reds-at”, pas një aksioni të bukur nga krahu për anglezët.
Në minutën e 65, Vinisius Zhunior shënoi golin e tretë, golin e qetësisë për Realin si dhe dopietën personale në këtë ndeshje.
