Prishtina do të luajë sonte në 20:00 në “Elbasan Arena” ndaj Inter Club d’Eskaldes për një biletë të rëndësishme në raundin e parë eleminator të Champions League 2021-2022. Në rast fitojnë sonte, në turin e parë në Champions do të gjejnë Ferencvaroshin e Myrto Uzunit.
Prishtinalitë eleminuan ekipin nga San Marino, Folgore-n në raundin e mëparshëm, kur kujtojmë se 4 skuadrat nga kampionatet me koeficentin më të ulët në Europë janë futur në një mini-kompeticion për të luajtur mes tyre kjo për të nxjerrë një ekip që avancon më tej. Të tre takimet e këtij mini-turneu UEFA ia besoi Shqipërisë. Prandaj dhe ndeshja e sotshme zhvillohet në Elbasan.
Prishtina është kampione e Kosovës dhe ka në përbërje disa nga futbollistët mëtë mirë të Kosovës dhe ish- lojtarë të Skënderbeut dhe ekipeve të tjera të Superligës shqiptare.
