Champions League/Mungon Messi, PSG dominon në formacionin e fazës së grupeve

Është mbyllur faza e grupeve në Champions League, ku janë kualifikuar 16 skuadra për më tutje. Tashmë është publikuar edhe formacioni më i mirë  i ndeshjeve të luajtura deri tani në fazën e grupeve. PSG që zhvilloi një fazë fantastike, ka në këtë formacion plot 4 lojtarë. Me dy përfaqësohen Manchester City dhe Tottenham.Nga formacioni i madrilenëve është përfshirë vetëm Cristiano Ronaldo, ndërsa befasi ka qenë mbrojtësi i djathtë i Celtic, Tierney. Bie në sy mungesa e Lionel Messit në këtë formacion dhe nuk është i përfshirë asnjë lojtarë i Barcelonës.