Sevilla ka bërë surprizën në “Old Trafford” duke mposhtu Manchester United me rezultatin 2-1 dhe duke kaluar në çerekfinale. Nuk ka mjaftuar paraqitja fantastike e De Geas në këtë sfidë për të shpëtua Mourinhon.
Pas një pjese të parë me rrjeta të paprekura, e dyta fillon në të njëjtën mënyrë me të dyja ekipet e tërhequra duke pasur parasysh edhe ndeshjen e parë që përfundoi 0-0. Vincenz Montella kishte përgatitur një surprizë, sapo hedh në fushë Ben Yedder gjithcka ndryshon, atij i mjaftuan vetëm gjashtë minuta për të shënuar dy gola në portën e United.
Ben Yedder ka zhbllokuar ndeshjen në minutën e 74-t me një goditje të shpejtë dhe të saktë ndaj së cilës De Gea nuk ka pasur mundësi të bëjë asgjë. Portieri i United, i cili ka qenë heroi i takimit të parë, i ka dhuruar golin e dytë miqve duke devijuar në rrjetë në mënyrë të pashpjegueshme goditjen e Yedder në minutën e 78-të.
Reagimi i anglezëve ka ardhur në minutën e 84-t me një gol të Romelu Lukaku-t. Lojtarët e Mourinho janë hedhur në sulm në minuta e mbetura për të kërkuar golin e barazimit, por tentativat e vendasve kanë qenë të kota. Sevilla befason dhe kalon në çerekfinale.
Në ndeshjen tjetër të mbrëmjes së sotme, Roma ka arritur të përmbysë humbjen 2-1 të pësuar 3 javë më parë në Ukrainë dhe ka mundur Shakhtar Donetsk 1-0 në “Olimpico”, Verdhekuqtë kanë siguruar kështu një vend mes tetë më të mirave të Champions League.
Kevin Strootman ka dhënë një pasim të bukur për Dzeko, me këtë të fundit që nuk ka gabuar dhe ka shënuar duke kaluar topin mes këmbëve të portierit.
Në minutën e 79-të miqtë kanë mbetur me 10 lojtarë pas kartonit të kuq të marrë nga Ordest. Rezultati ka mbetur i pandryshuar deri në fund dhe verdhekuqtë kanë marrë kështu fitoren e tretë radhazi në të gjitha kompeticionet, ndërsa ukrainasit kanë konfirmuar edhe një herë se janë një skuadër që nuk di të fitojë jashtë fushës. Në fakt, kjo ka qenë humbja e 7 në 8 transfertat e fundit të luajtura nga Shakhtar në Champions League.
