Sot në orën 20:00 në stadiumin “Elbasan Arena” Prishtina, kampione e Kosovës, do të luajë ndeshjen e turit paraeliminator të Ligës së Kampioneve kundër kampionëve të San Marinos, Folgore. Folgore vlen 550 mijë euro në tregun aktual sipas Transfermarkt.
Fituesit e kësaj përballjeje do të luajnë finale me fituesit e çiftit tjetër HB Tórshavn (Faroe) – Inter Club d’Escaldes (Andora) dhe kështu do të pëcaktohet ekipi që avancon më tej në Champions.
Skuadra e drejtuar nga trajneri Zekerija Ramadani synon kalimin e tureve parakualifikuese në Kupat e Europës duke mundur fillimisht ekipin modest nga San Marino dhe më pas fituesen e çiftit poashtu modest, Tórshavn- Inter Club d’Escaldes.
Kujtojmë se UEFA i’a besoi Shqipërisë zhvillimin e këtyre ndeshjeve parakualifikuese në Champions League mes 4 skuadrave më të dobëta që do të nxjerrin mes tyre vetëm një që do të shkojë në raundin e parë në Champions League, aty ku do ta nisë dhe Teuta, kampione e Shqipërisë./TIRANA TODAY
