Policia e Shtetit shumë shpejt do të ketë në strukturat e saj një këshilltar nga Gjermania. Lajmin e bëri të ditur ministri i Brendshëm, Fatmir Xhafaj. Ai mbajti një konferencë të përbashkët për shtyp me drejtorin e Policisë së Gjermanisë, Diter Romann. Gjithashtu, Xhafaj shtoi se Gjeramania do të ndihmojë policinë shqiptare me pajisje të reja logjistike, të cilat do të krijojnë një eficencë më të madhe.
Në fund të kësaj konference ministri Xhafaj paralajmëroi gazetarët se do ketë lajme këto ditë nga bashkëpunimi me gjermanët.
“Gjatë ditëve në vijim ju këshilloj të rrini afër me Bidën dhe Gentin se do keni lajme interesante”, tha Xhafaj duke iu referuar dy zëdhënësve të Ministrisë së Brendshme dhe Policisë së Shtetit.
Ndërkaq mësohet se dy operacione janë zhvillim. Bëhet fjalë për 2 operacione të task forcës dhe forca e ligjit. Një prej operacioneve në fushën e narkotikëve është duke u zhvilluar. Ekzekutimi i masave të arrestit po bëhet paralelisht në Gjermani dhe Shqipëri./TIRANA TODAY/
