Nga Agron Gjekmarkaj/Dita e pardjeshme konturoi dy modele brenda së njëjtës mazhorancë në raport me Edi Ramën, i cili e demonstroi qetësisht absolutizmin e vet!
Nga njëra anë, i vetmuar, Pandeli Majko, socialist i orëve të para dhe Mirela Kumbaro, rilindëse e orëve të para, përfaqësuese e sjelljes së krejt grupit parlamentar.
Majko u tregua dinjitoz. Me gjasë ka vënë në diskutim karrierën e tij të mëtejshme, për aq kohë lider është Edi Rama!
Nuk do t’i mungojnë thashethemet, distancimet dhe shënjimet me gisht si armik i brendshëm derisa shefi të shprehet. Në Shqipëri shefi është Zoti!
Majko nuk e hodhi atë firmë të ndyrë dhe nuk u be pjesë e shembjes se trashëgimisë kulturore dhe grabitjes së tokës publike për arsye të shëmtuara korruptive.
Ndërsa Kumbaro, ministrja që duhej të mbronte kulturën u bë simboli më trishtues i tjetërsimit njerëzor e intelektual për një palo-karrige.
Nuk përjashtohen edhe benefite të tjera që e bëjnë të akullt në shikim dhe të paepur në mbrojtje të këtij projekti mafioz. Majko zbuloi sa socialistë kanë mbetur e sa Rilindas e zotërojnë partinë.
Gjithë ai unitet rreth liderit të kujton vitin 1934 në Gjermani kur vdiste Hindenburgu dhe parlamenti votonte bashkimin në një të postit të tij me atë Kancelarit duke prodhuar Fuhrerin!
Pasojat e aktit dihen. A do të pranoje Shqipëria një Fuhrer? Kjo ishte prova gjenerale në favor të despotizmit.
Ajo që Ben përshtypje në aktin e mbrëmshëm në raport me paraardhësit e Partisë Socialiste me ata që i thërrasim etër.
Ata shtinin në mish njeriu drejtpërdrejt në emër të luftës se klasave, urrejtjes ideologjike e krahinore, në emër të Enverit e partisë, por ishin më të ndershëm në dhunë e terror.
Nuk lodheshin me zgjedhje e parlament. Këta diktaturën e realizojnë me ligj! Trimëri s’kanë, hile po. Një ditë më pas përvijohen qarte dhunuesit në një anë dhe shoqëria në tjetrën.
Burgjet janë të vogla. Të mjaftueshme për dhunuesit dhe jo për popullin. Alternativë tjetër s’ka, o populli në burg, o dhunuesit!
Policia e Xhafajt, gjyqtaret e rrethit te tij familjare ne sistem, prokurorja Marku në pritje të urdhrit të Ramës nder zyra për të ngjallur frike dhe njerëzit e lirë që tek korrupsioni shohin vdekjen kapilare të shpresave për demokraci e normalitet në rrugë. Skenar tjetër s’ka. Nesër me ligj shpallemi armiq të shtetit. Të presim deri atëherë? (Panorama)
