Ndryshimet e reja në “Kodin rrugor” kanë shtuar masat ndëshkuese për shoferët e “padisiplinuar”. I vetmi “përfitim” është ndryshimi i kalendarit për kolaudimin e automjeteve, një herë në dy vjet, ndërkohë që deri më sot ka qenë i detyruar për çdo vit. Ndërkaq, do aplikohet heqja e pikëve për disa shkelje, sidomos për qarkulllimin në gjendje të dehur dhe për ata që përdorin celularin. Ndërkaq, është konsideruar shkelje edhe “sjellja agresive” e shoferëve, teksa përmes lëvizjes së dritave ushtrojnë presion ndaj shoferëve, duke krijuar hitim dhe aksidente. “Tirana Today” sjell të gjithë ndryshimet e fundit dhe penalizimet që parashikohen.
Ndryshimet dhe penalizimet:
-kolaudimi i automjeteve do bëhet një herë në dy vjet dhe jo për çdo vit siç ka ndodhur deri më tani
-makinat e reja nuk do kryejnë kontroll teknik tre vitet e para nga data e regjistrimit (Përjashtim përbëjnë taksitë, autoambulancat, furgonët, autobusët dhe të gjitha llojet e kamionëve, pra mjetet e transportit të mallrave, të cilat do të kryejnë kontrollin teknik një herë në vit)
-identifikimin e drejtuesve të mjeteve, të cilëve u kaluar mbi 30 ditë afati i siguracionit. Ata do të dalin në sistem dhe kështu do gjurmohen lehtësisht nga policia. Gjoba do të jetë nga 100 deri në 400 USD, si dhe detyrimi për t’u pajisur me siguracionin vjetor
– kushdo që tejkalon kufijtë minimalë dhe maksimalë të shpejtësisë me jo më shumë se 10 km/orë, do gjobitet nga një mijë deri në tre mijë lekë
– kushdo që tejkalon kufijtë maksimalë të shpejtësisë për më shumë se 50 km/orë jashtë qendrave të banuara dhe më shumë se 40 km/orë në qendrat e banuara, do ndëshkohet me gjobë nga 100 deri në 200 USD, do t’i hiqet patenta nga 3 deri në 6 muaj, si dhe do t’i hiqen pikët.
– cilido që parkon në mënyrë abuzive 3 herë brenda një viti, përveç gjobës, do t’i hiqen pikë nga leja e drejtimit.
– për shoferët që përdorin celularin gjatë qarkullimit, do të gjobiten nga pesë mijë deri në pesëmbëdhjetë mijë lekë ose 150 USD. Në rast përsëritje 3 herë brenda vitit, do t’i hiqet patenta 3 muaj si dhe pikët.
– ata që kapen duke qarkulluar në gjendje të dehur. Në raste të tilla, ligji parashikon gjobë 400 USD dhe heqje e patentës deri në dy vjet.
