Mbrëmjen e së premtes, dy efektivë policie kanë qenë protagonist të një ngjarje kriminale në Vlorë, ku kanë rënë pre e një sulmi me armë. Angjelo Breshani, polic i patrullës Vlorë e Narko Mehmetaj polic kufitar në Sarandë, po udhëtonin me makinë me xhama të zinj.
Raportohet se në momentin e sulmit, ata po përcillnin një person në shtëpi, identiteti i të cilit nuk dihet. Burime nga policia e këtij qyteti thanë se në lagjen “Partizani”, ata kanë parakaluar një automjet tip Volksvagen, por drejtuesi i tij nuk e ka pritur mirë. Pas një shkëmbimi fjalësh nga makina, ai ka nxjerrë pistoletën dhe ka qëlluar 5 herë në drejtim të efektivëve të policisë. Fatmirësisht efektivët nuk janë lënduar.
Nuk dihet identiteti i autorëve, por ato janë të njohur nga uniformat blu të qytetit bregdetar, të cilët kanë nisur kërkimet, teksa kanë sekuestruar makinën e përdorur në atentat.
