‘Çfarë më tha Tom Doshi për deklaratat e Kim’/ Flet kryetari në detyrë i PSD

Kryetari në detyrë i Partisë Social Demokrate, Ëngjëll Bejtja është i bindur për pastërtinë e figurës së Tomë Doshit.

I ftuar në studion e lajmeve në “News24”, Bejtja foli për deklaratat e ambasadores Yuri Kim, dhe zbardhi një bisedë që kishte bërë në lidhje me këtë gjë, me Tom Doshin.

Bejtja shtoi se Doshi e ka garantuar se ai vetë është në rregull me çdo gjë, përsa i përket pastërtisë së figurës për të kandiduar në zgjedhje.

“Në këtë rast ne jemi të detyruar të respektojmë vendimet e institucioneve të shtetit shqiptar. Nëse ato institucione janë difektoze, duhen rregulluar ato, asgjë tjetër. Për sa kohë këto institucione e certifikojnë z. Doshi, atëherë ku lind problemi?

Nuk kam pasur rastin të komunikoj drejtpërdrejt me ambasadoren, për të kërkuar ndonjë sqarim plus. Patjetër që kam diskutuar me Doshin, dikur kemi diskutuar dhe për këtë pikë dhe më ka garantuar që është në rregull me gjithçka”, tha Bejtja.