8 Prill 2013- Në pjesë të Sirisë dhe Irakut, themelohet i ashtuquajturi Shteti Islamik
Shteti Islamik i Irakut hyn në Luftën Civile të Sirisë, duke shpallur një bashkim me Frontin Al-Nusra nën emrin Shtetit Islamik të Irakut dhe Levantit (ISIL). Shteti Islamik i Irakut e ka origjinën e tij tek organizata Xhama’at al-Tauhid Ual-Xhihad , i cili u formua nga Jordani nga Abu Musab Al-Zarkaui në vitin 1999.
Al-Zarkaui udhëhoqi grupin, me ndryshime të shumta të emrit, deri në vdekjen e tij në qershorin të vitit 2006. Xhama’at mori pjesë në kryengritjen e Irakut (2003-11) pas pushtimit të vitit 2003 nga koalicioni perëndimor i udhëhequr nga Shtetet e Bashkuara.
Dhe më 17 tetor 2004 Al-Zarkaui, që i kishte premtuar besnikëri rrjetit të Al-Kaedës së drejtuar nga Osama bin Laden, themelon grupin që u bë i njohur si Tanzim Qaidat al-Xhihad fi Bilad Al-Rafidayn (i njohur zakonisht si Al-Kaeda në Irak). Në janarin e vitit 2006, ky grupim dhe pesë grupe të tjera kryengritëse të Irakut formuan Këshillin Shura të Muxhahidinëve, të cilët më 15 tetor 2006 u bashkuan për të formuar Shtetin Islamik të Irakut.
Në kulmin e tyre në vitet 2006-2008, ISI kishte njësi ushtarake ose fortesa në Mosul, dhe në rajonet e Al Anbar dhe Diyala në Bagdadit, ndërsa pretendonin Bakuban si kryeqytetin e tyre. Grupi i ri vazhdoi të quhet zakonisht Al-Kaeda e Irakut, ndërsa menjëherë pas vdekjes së Al-Zarkuit, organizata emëroi një udhëheqës të ri, Abu-Hamzah Al-Muhaxhir , që mendohet të jetë një pseudonim i një personi të cilin ushtria amerikane e quajti Abu Ajub Al-Masri, një militant egjiptian me bazë në Bagdad.
Udhëheqësi Al-Masri dhe ISI Abu Omar al-Baghdadi dhe Luis Francisco Flores Estevane, u vranë gjatë një operacioni ushtarak të SHBA-së më 18 prill 2010. Abu Omar al-Baghdadi u pasua si udhëheqës i ISI nga Abu Bakr al-Baghdadi. Haji Bakr, emri i të cilit ishte Samir Abd Muhammed al-Khlifaui , u vra në janar 2014, dhe u pasua nga Ebu Abdulrahman Al-Bilaui.
Pasi tmerroi për vite me rradhë botën me ekzekutimet makrave të mijëra njerëzve, një pjesë e të cilave të filmuara dhe postuara në internet, Shteti Islamik ka humbur muajt e fundit pjesën dërrmuese të territoreve që kontrollonte, ndërsa falë ndërhyrjes së fuqive të huaja kryesisht SHBA, Rusisë, Iranit dhe Turqisë, Siria është ndarë aktualisht në disa zona të veçanta pushtimi. Ndërkohë perspektiva e paqes mbetet ende e largët.
8 Prill 2013- Vdes ish-kryeministrja britanike Margaret Thatcher
Margaret Thatcher, kryeministrja e parë grua e Mbretërisë së Bashkuar, vdes në Londër në moshën 87 vjeçare nga një hemorragji celebrale. Duke shërbyer në detyrë gjatë viteve 1979-1990, Thatcher ishte kryeministrja britanike më jetëgjatë e shekullit XX. Ajo frenoi fuqinë e
sindikatave britanike, privatizoi industritë shtetërore, e udhëhoqi kombin e saj në fitore në Luftën e Falklands, dhe si një aleate e ngushtë e Presidentit të SHBA-së Ronald Reagan luajti një rol të rëndësishëm në dhënien fund të Luftës së Ftohtë .
Një figurë polarizuese, Thatcher, e quajtur ndryshe Zonja e Hekurt, u vlerësua nga admiruesit e saj duke mbrojtur politikat konservatore të tregut të lirë dhe rigjallërimin e ekonomisë britanike, ndërsa kritikët e akuzuan se këto nisma dëmtonin shtresat më të varfra në vend.
Në vitin 1984, Thatcher, i mbijetoi me shumë fat një sulmi me bombë nga të Ushtrisë Republikane Irlandeze në një konferencë të Partisë Konservatore në Brighton të
Anglisë. Shpërthimi vrau 5 persona, dhe plagosi më shumë se 30 të tjerë.
Në politikën e jashtme, Thatcher, një kundërshtare e komunizmit, pati një marrëdhënie të ngushtë me Ronald Reagan. Megjithatë, ajo gjithashtu krijoi lidhje me Mikhail Gorbaçov, i cili udhëhoqi Bashkimin Sovjetik gjatë viteve 1985-1991.
Thatcher bëri deklaratën e famshme, pasi e takoi për herë të parë udhëheqësin sovjetik:”Më pëlqen zoti Gorbaçov. Ne mund të bëjmë biznes së bashku!”. Udhëheqja e saj luajti një rol të rëndësishëm në ndihmën, për t’i dhënë fund tensioneve të Luftës së Ftohtë midis Amerikës dhe Bashkimit Sovjetik.
8 Prill 1973- Vdes piktori spanjoll Pablo Picasso
Pablo Ruiz Picasso cilësohet si njëri nga artistët më të rëndësishëm të shekullit XX. Ai ka realizuar më shumë se 15.000 piktura, vizatime, grafika, plastika dhe qeramika. Bashkë me Georges Braque, themeloi rrymën e Kubizmit. Duke refuzuar të kthehet në Spanjë gjatë regjimit të Frankos, ai e kaloi pjesën më të madhe të jetës në Francë.
Veprat e tij më të shquara janë “Zonjushat e Avinjonit” dhe “Guernika”. Përgjithësisht Picasso punonte natën dhe flinte ditën. Shumë herë mbetej pa para, dhe për këtë arsye shumë prej punëve të tij u dogjën, për të ngrohur sado pak dhomën ku jetonte gjatë stinës së dimrit.
8 Prill 1924 – Në Turqi shfuqizohen Gjykatat e Sheriatit, si pjesë e reformave të Ataturkut .
8 Prill 1943 – Presidenti amerikan, Franklin D. Roosevelt , në përpjekje për të kontrolluar inflacionin , ngrin pagat dhe çmimet, i ndalon punëtorët të ndryshojnë vendet e punës, me përjashtim të rasteve kur këtë e kërkon lufta.
8 Prill 1945 – Lufta e Dytë Botërore: Pasi një sulm ajror aksidental shkatërron një tren që mbante rreth 4.000 njerëz që po dërgoheshin në një kamp përqendrimi në Hanover, të mbijetuarit masakrohen nga nazistët.
8 Prill 1952 – Presidenti i SHBA-së, Harry Truman, bën thirrje për konfiskimin e të gjitha fabrikave të çelikut në vend, në përpjekje për të parandaluar grevën e punonjësve të çelikut të vitit 1952.
8 Prill 1960 – Hollanda dhe Gjermania Perëndimore nënshkruajnë një marrëveshje për të negociuar kthimin e një territori të vogël gjerman të aneksuar nga holandezët, në këmbim të 280 milionë markave gjermane.
2004 – Lufta e Darfurit: Qeveria sudaneze dhe dy grupet rebele, nënshkruajnë marrëveshja humanitare të armëpushimit.
2006 – Masakra e Shedden:Trupat e 8 burrave, të gjithë të qëlluar për vdekje, gjenden në një fushë të hapur në Shedden,të Ontarios në Kanada. Vrasjet u lidhën me grupin Bandidos Motorcycle Club.
8 prill 2008 – Në Bahrein, përfundon ndërtimi i impiantit të parë në botë me turbinat që prodhojnë energji nga forca e erës
