E mërkurë, 16 Qershor, 2021
20.5 C
Tirana

Çfarë fshehin “e-mailet sekrete” të Fauçit mbi pandeminë e Covid-19

Nga: Federico Giuliani “Il Giornale”

Kur koronavirusi i Sars-CoV-2 po përhapej në mbarë botën, SHBA dështuan, ose më mirë vendosën të mos merrnin asnjë masë të përshtatshme për të frenuar pandeminë. Ajo e goditi fort Amerikën në fund të muajit mars dhe prillin e vitit 2020, pra rreth 2 muaj pas njoftimit zyrtar për zbulimin e patogjenit në Vuhan të Kinës.

Shumëkush mendonte se pneumonia e çuditshme, që u shfaq në provincën kineze të Hubeit, nuk do të kapërcente kurrë Kinën, dhe aq më pak ta godiste Perëndimin me një forcë të tillë tronditëse. Kur Uashingtoni e kuptoi emergjencën e madhe ku po zhytej, Entoni Fauçi u bë një nga figurat më të rëndësishme në vend në luftën kundër koronavirusit.

Në ato ditë të vrullshme, zbuloi e përditshmja amerikane “The Ëashington Post”, virologu i Shtëpisë së Bardhë u bë protagonist i një shkëmbimi intensiv e-mailesh me shkencëtarët kinezë. Në 866 faqet e komunikimeve elektronike të pabotuara, që zotërohen tanimë edhe nga gazeta e njohur amerikane – që i kërkoi ato bazuar në Aktin e Lirisë së Informimit – ne gjejmë disa ide interesante që mund të hedhin dritë mbi menaxhimin e mbrapshtë të pandemisë nga autoritetet amerikane.

Dhe sidomos në javët e para të emergjencës së Covid-19, Fauçi po haste shumë vështirësi në dëgjimin e fjalës së tij nga presidenti i atëhershëm, Donald Trump, që ishte i bindur se rreziku i virusit i ekzagjeruar.

E-mail-et midis Fauçit dhe kinezëve

Është shumë interesante të përqendrohesh në shkëmbimin e e-maileve të datës 28 mars 2020, midis Fauçit dhe Xhorxh Gaos, një nga ekspertët kryesorë kinezë të shëndetësisë. Gao i kërkoi ndjesë Fauçit pas një interviste të dhënë për revistën “Science”.

Shkencëtari aziatik i shpjegoi kolegut dhe mikut të tij amerikan, se ai nuk kishte përdorur kurrë fjalën “gabim i madh” në përshkrimin e qëndrimit të qeverisë amerikane dhe qeverive të tjera perëndimore, të cilat ende nuk e kishin bërë ende të detyrueshme mbajtjen e maskave nga qytetarët.

“Unë e pashë intervistën që dhashë tek “Science”. E si mund të përdorja termin “gabim i madh” për të tjerët? Kjo ishte shprehja e përdorur nga gazetari. Shpresoj që të më kuptoni”- shkruan Gao, i shqetësuar se mund ta ketë ofenduar Fauçin.

Lexo edhe :   Rakacolli: Covid-19 ka lënë pasoja te ata që e kanë kaluar

Pastaj shton:”Le të punojmë së bashku për të zhdukur këtë virus!”. Edhe përgjigja e Fauçit është gjithashtu një ftesë për bashkëpunim:“Unë ju kuptoj plotësisht. Nuk ka asnjë problem. Bashkë do t’ia dalim!”. Me sa duket, ndryshe nga Trump, Fauçi që tashmë kishte filluar të tregonte gishtin e përgjegjësitë tek autoritetet e Pekinit, i besonte ekspertëve kinezë.

Kërcënimet më vdekje dhe shoqërimi me truproja

Në një moment të dytë, ndoshta duke mos pasur tamam parasysh shkallën e emergjencës, korrespondencat me shkencëtarët kinezë zhduken nga radari. Askush, madje as shoku Gao, nuk do të komunikonte më me virologun e Shtëpisë së Bardhë.

Lexo edhe :   Novavax, vaksina kundër kovidit 90% efikasitet

Ndoshta pikërisht në atë kohë Fauçi fillon që të paralajmërojë për rreziqet reale të pandemisë, duke kundërshtuar, edhe pse asnjëherë drejtpërdrejt, pikëpamjet e diskutueshme të Donald Trump. Pikërisht në atë kohë shkencëtari i njohur nisi të merrte një seri kërcënimesh me vdekje nga disa mbështetës të Trump, të cilët e akuzuan atë se ishte në favor të masave kufizuese, që kishin çuar në mbylljen e shkollave dhe shumë aktivitete prodhuese.

Në prill 2020, Gao, që ishte edhe anëtar i Akademisë Kombëtare të Shkencave të SHBA-së, i shkruan një e-mail tjetër:”Shpresoj se jeni mirë në këtë situatë kaq irracionale”. “Faleminderit për e-mailin tuaj – është përgjigjja e Fauçit, 3 ditë më vonë. Gjithçka është në rregull, pavarësisht disa njerëzve të çmendur”.

Kërcënimet i nxitën autoritetet amerikane që t’i caktonin roje sigurie virologut të njohur. Nën dritën e gjithë kësaj, ne mund të bëjmë dy konsiderata. E para:Edhe pse Fauçi kishte kontakte me të paktën një shkencëtar kinez, ai bashkëpunim nuk çoi në asgjë. E dyta:në rast se administrata Trump, përfshirë ekspertët, do të kishin reaguar ndryshe që nga fillimi, ndoshta Shtetet e Bashkuara mund ta kishin kufizuar dëmin që shkaktoi pandemia.

Burimi i lajmit: https://it.insideover.com/politica/cosa-nascondono-le-mail-segrete-di-fauci-sulla-pandemia.html?utm_source=ilGiornale&utm_medium=article&utm_campaign=article_redirect

Përshtatur nga TIRANA TODAY

- Reklama -

Më shumë nga kategoria




Të fundit

Dhunohet drejtoresha në Bashkinë e Tiranës

Policia njofton se është dhunuar për shkak të detyrës Drejtoresha e Agjencisë së Parqeve dhe Rekreacionit në Bashkinë e Tiranës. Agresori është një 34-vjeçar me...

‘Vatra’ deklaratë: Të na tregohet pse Berisha u shpall “non grata”

DEKLARATË PUBLIKE E FEDERATËS PAN – SHQIPTARE TË AMERIKËS VATRA, RRETH SHPALLJES ‘NON GRATA’ TË ISH- PRESIDENTIT SHQIPTAR DR. SALI BERISHA Federata Pan - Shqiptare...

BE heq kufizimet e udhëtimit për Shqipërinë, Serbinë dhe Maqedoninë e Veriut

Vendet anëtare të Bashkimit Evropian kanë rënë dakord të mërkurën (16 qershor) të heqin kufizimet e udhëtimit për udhëtarët nga tetë vende dhe territore...

Arma më e fuqishme e Opozitës

Nga Oerd Bylykbashi Ligji i Dekriminalizimit funksionon si sahat! Një tjetër kryebashkiak i dënuar me burgim u zbulua falë tij, duhet të largohet nga funksioni...

Hodhi çantën nga dritarja e lokalit sapo pa RENEA-n, pranga 27-vjeçarit

Kontrollet e befasishme të RENEA-s në Fier për kapjen e personave në kërkim, janë finalizuar me arrestimin e një të riu. Në pranga është...