Nëse mendoni se George dhe Charlotte do të kenë të gjitha dhuratat e botës, atëherë jeni gabim! Në fakt, princi William dhe Dukesha Kate janë përpjekur që të mos i llastojnë fëmijët e tyre dhe të mos e teprojnë me dhuratat.
Kështu ka bërë të ditur një mikeshë e familjes Middleton, e cila tha për Us Weekly se George dhe Charlotte do të kenë dhurata, por duhet të përzgjedhin të duhurat, atë që vërtet e duan.
“Të dy janë jashtëzakonisht të kujdesshëm. Princi George dhe Princesha Charlotte marrin shumë dhurata nga e gjithë bota, por u dhurohen bankës së lodrave ose organizatave të tjera për fëmijë”, u shpreh mikesha e familjes, duke theksuar se “makthi” më i madh i Kate dhe Ëilliam është që fëmijët të mos mësohen me dhurata të tepruara.
Po ashtu, ajo tregon se princ George në letrën që i ka dërguar babagjyshit kërkonte një makinë policie, ndërkohë Charlotte dëshiron një shtëpi kukullash.
