Minstrja e Arsimit, Besa Shahini, ka vendosur t’i rikthehet sërish pyetjes “problematike” me Turin e famshëm, që u prishi punë me notat mijëra maturantëve.
Përmes një postimi në Facebook, Shahini bën me dije se rreth 12 mijë maturantë e kanë gjetur përgjigjen e saktë për këtë pyetje.
“Për të gjithë ata që akoma pyesin se “Çfarë bëri Turi?”, dua t’ju rikujtoj se janë rreth 12 mijë maturantë (17-18 vjeçarë) që e kanë dhënë përgjigjen e saktë në këtë pyetje.
Pra, gjithandej në Shqipëri ka të rinj më mirë të arsimuar se sa ata që po përpiqen të kritikojnë reformat e PS-së në arsim”, shkruan ajo.
Ministrja Shahini njoftoi se do të largohet nga qeveria dhe Shqipëria në përfundim të këtij mandati.
