Një ngjarje e rëndë ka ndodhur në Itali, teksa një 51-vjeçar ka vrarë një grua pasi kryen marrëdhënie bashkë.
30-vjeçarja, Ana Maria Lacramiora Di Piazza u gjet e pajetë një ditë më parë në një fshat të Italisë. Antonino Borgia, 51 vjeç, një sipërmarrës ndërtimi nga Partinico, ishte i martuar dhe mbante një lidhje jashtëmartesore me vajzën me origjinë rumune.
Sipas mediave italiane, lidhja e tyre kishte nisur rreth një vit më parë. 30-vjeçarja kishte lënë një takim me Antonion, ku edhe i ka rrëfyer se po priste një fëmijë nga ai. E reja kishte kërkuar nga ai 3 mijë euro, por gjërat nuk kanë shkuar si ka menduar ajo. Ata patën marrëdhënie seksuale në vendin e krimit dhe më pas 51-vjeçari e ka qëlluar disa herë me thikë në bark duke e lënë të vdekur.
Ndërkohë pasi është arrestuar nga policia, 51-vjeçari ka rrëfyer edhe ngjarjen se si kishin shkuar gjërat. Gruaja i kishte thënë që po priste një fëmijë nga ai dhe madje e kishte kërcënuar se do i tregonte gjithçka gruas së tij. Sipas tij, ata ishin takuar në zonën e Balestrate, më pas ajo kishte hipur në fugonin e bardhë dhe kishin shkuar në fshatin ku edhe ndodhi ngjarja e rëndë.
Sipas asaj që raportojnë mediat vendase, i gjithë momenti i krimit të rëndë ishte filmuar nga kamerat e një biznesi që gjendej aty pranë. Në videon në fjalë dëgjohet e reja duke bërtitur, “Çfarë po bën, presim një fëmijë, unë të dua”.
