Elseid Hysaj është kthyer në një çështje tek Napoli, pasi klauzola e tij duke parë raportin kualitet-çmim konsiderohet mjaft e ulët dhe disa klube të mëdha kanë treguar interes për shërbimet e tij. Në drejtim të mbrojtësit të Kombëtares shqiptare ka një numër të madh të ekipeve angleze dhe nga Bayer Munich, ku këta të fundit kanë treguar gatishmëri për të paguar këtë klauzolë.
Rreth dy vite më parë, Napoli vendosi t’i vinte një klauzolë largimi prej 50 milionë eurosh në kontratë Elseid Hysajt, ku u mendua se do ishte e vështirë se do të kishte ndonjë klub që të shpenzonte kaq para për shkodranin. Por, kjo shifër paguhet pa sforcime të mëdha, sidomos nga klubet angleze të cilat janë gati të sakrifikojnë për Hysajn.
Sipas mediave italiane, kjo është arsyeja se pse klubi i Napolit ka lëshuar sinjalet e para për rinovimin e marrëveshjes me futbollistin dhe përmirësimin e kushteve financiare të tij. Napoli synon që shifrën e klauzolës së largimit ta çojë në 80 milionë euro për të përfituar sa më shumë.
