Diskutimet mes Greqisë dhe Maqedonisë kanë dhënë rezultatet e para. Me kërkesë të Athinës zyrtare, qeveria e Maqedonisë ka miratuar vendimin për riemërimin e aeroportit “Aleksandri i Madh” në “Aeroporti Ndërkombëtar i Shkupit”.
Gjithashtu qeveria ka ndryshuar emrin e autostradës me të njëjtin emër, ndërsa e ka riemëruar me emrin “Miqësia”. Me ndërmjetësimin e Organizatës së Kombeve të Bashkuara të dyja vendet kanë shpalosur kërkesat e tyre.
Çështja e emrit me Greqinë ka penalizuar shtetin e Maqedonisë duke e mbajtur larg strukturave euroatlantike. Ndërkaq pritet që në ditët në vijim të intensifikohen diskutimet dhe të pranohet një emër i pranueshëm për të dyja palët. Ditën e diel, shtetasit grek të mbledhur nga të gjitha anët e vendit janë mbledhur para parlamentit grek, ndërsa kanë kërkuar që çështja të shkojë në referendum, ndërsa ai që do të shprehet të jetë populli.
Ndërkohë edhe grekët kanë qenë të dyzuar, pasi ka patur edhe grupe të tjera të cilat kanë mbështetur diskutimet mes Greqisë dhe Maqedonisë në lidhje me gjetjen e një emri të pranueshëm.
