Ministri i Jashtëm grek, Nikos Dendias do të zhvillojë ditën e nesërme një vizitë zyrtare në Tiranë, në kuadër të rifillimit të negociatave për demilitimin e kufijve detarë mes Shqipërisë dhe Greqisë.
Mediat greke shkruajnë se kjo do të jetë temë diskutimi dhe qëllimi i vizitë të Dendias për marrëveshjen e 2009 që nuk u finalizua pas rrëzimit nga Gjykata Kushtetuese e Shqipërisë.
Fillimisht, Dendias mbërrin në orën 11:00 në Rinas dhe takon Ministrin në detyrë për Punët e Jashtme, Gent Cakajn. Më pas, Dendias do takohet me kryeministrin Edi Rama me të cilin do kenë dhe një konferencë për shtyp teksa në axhendë ka dhe një takim me presidentin Ilir Metën.
”Në zemër të diskutimeve, siç pritet, do të jetë çështja e zgjidhjes së kufijve detarë. Çështja është pezull që nga viti 2009 kur të dy vendet nënshkruan marrëveshjen, e cila më vonë u anulua nga gjykata kushtetuese shqiptare.
Nikos Dendias vizitoi Kosovën javën e kaluar dhe, ndër të tjera, u përpoq të hetojë me udhëheqjen e kosovarëve shqiptarë nëse çështja EEZ mund të vazhdojë normalisht me Shqipërinë , pa ndërhyrjen e Turqisë.
Me përfundimin e marrëveshjes së EEZ me Shqipërinë, “fronti perëndimor” i EEZ greke mbyllet dhe hapet rruga për zgjerimin e ujërave territoriale Greke në 12 milje në Jon në mënyrën që Athina dëshiron.”, shkruajnë mediat greke.
Kryediplomati helen shpreson te rinisja e dialogut mes Shqipërisë dhe Greqisë rreth kësaj marrëveshje, ndërsa theksonte se zgjidhja e problemeve të vjetra është edhe në interesin e Shqipërisë duke pasur parasysh perspektivën evropiane.
Në Greqi këtë vizitë e cilësojnë si vendimtare për marrëveshjen e detit me Shqipërinë.
