Shtyhet sërish procesi gjyqësor në Gjykatën e Lartë ndaj Tom Doshit, Mark Frrokut dhe Durim Bamit. Shkak për këtë shtyrje është dorëheqja e gjyqtarëve.
Mësohet se dy gjyqtarëve Evelina Qirjako dhe Arjana Fullani u ka mbaruar mandati.
Prej të paktën 5 muajsh procesi gjyqësor ndaj deputetit Doshi dhe ish-deputetit Frroku ka mbetur pezull në Gjykatën e Lartë.
Akuza që rëndon mbi ta është kallëzim i rremë.
Doshi akuzoi dy vite më parë Ilir Metën se kishte porositur një atentat për ta vrarë.
Por, akuzat e ish-deputetit socialist u hodhën poshtë nga prokuroria si të stisura dhe u mor i pandehur Mark Frroku, ish-deputet i PS dhe Durim Bami, ky i fundit si njeriu që kishte marrë përsipër ekzekutimin e Doshit.
