Ilirjan Celibashi mori sot zyrtarisht drejtimin e Komisionit Qendror të Zgjedhjeve (KQZ), me strukturën e re të këtij institucioni, si Komisioneri Shtetëror i Zgjedhjeve.
Në një prononcim për mediat ai ka thënë se do të punojë me paanshmëri e transparencë dhe se KQZ do të krijojë besim te qytetarët.
”Do punoj me paanshmëri dhe transparencë. Unë mendoj se edhe në të shkuarën ka patur zgjidhje që jo vetëm janë pranuar nga palët, të paktën kemi 2 rotacione kushtetuese. Zgjedhjet e 2005 dhe të vitit 2013. Faktori ndërkombëtar ka patur vërejtje, por kjo nuk është një situatë kaq e zezë. Ka pasur zgjidhje që kanë marrë edhe vlerësim maksimal nga ndërkombëtarët”, tha ai.
Ilirjan Celibashi, u rikthye në krye të këtij institucioni pasi mori konsensusin e mazhorancës e të opozitës në parlament dhe jashtë saj, në seancën e 5 tetorit 2020.
