Vendimi i presidentit Ilir Meta për të shpallur “non grata” në Presidencë ambasadorin e OSBE-së në Tiranë, Bernd Borschardt, ka shkaktuar reagime të shumta.
I ftuar në “360 gradë”, Neritan Ceka e quajti ambasadorin “katundar”, ndërsa shtoi se ai duhej të ishte larguar nga Shqipëria që pas gjestit që bëri ndaj banorëve të Astirit, teksa protestonin.
Zëri i Amerikës/ ‘Ambasadori i OSBE-së nuk është i mirëpritur në Presidencë’
“Ky pretendonte që do bënte shtet dhe ja ku e kemi rezultatin e tij. Në 6 vjet që po sundon, shtet nuk kemi. Kemi një parlament qesharak, turpi i shqiptarëve, kemi marrëdhënie kombëtare që në përulin vazhdimisht.
Kemi ambasadorë legena dhe bën mirë ai që e largon këtë… atë katundarin, të iki sa më parë nga Shqipëria (Borchard). Ai duhej larguar që atë ditë, duhej shpallur person non-grata. Këto janë gjëra që më prekin 30 vjet pasi kam luftuar për një vend që duhej bërë si të gjithë vendet e tjera të Evropës”, deklaroi Neritan Ceka.
