Brad Pitt ka kaluar një periudhë mjaft të vështirë për shkak të ndarjes dhe divorcit me aktoren, Angelina Jolie.
Beteja për kujdestarinë e fëmijëve e ka bërë këtë periudhe edhe më të vështirë për të. Megjithatë, ashtu siç thonë, çdo e keqe e ka një mirë.
E në këtë rast, ndarja me Jolie i ka shërbyer aktorit hollivudian edhe pozitivisht, teksa ai ka arritur të heqë dorë nga alkooli.
“Brad ka qenë në gjendje që të ruajë seriozitetin pavarësisht nga stresi dhe presioni ligjor që ka marrë nga Angelina gjatë divorcit. Gjatë kësaj kohe të vështirë, ai është i lumtur dhe krenar që ka qenë në gjendje të jetë mirë nga ana shëndetësore dhe psikologjike. Në atë periudhë të errët, Brad qëndroi më shumë në punë dhe mori disa vendime të mira për veten”, tha një burim pranë tij për “HollywoodLife”.
Aktori festoi së fundmi 55-vjetorin e tij të lindjes. Ai e kaloi ditën e tij speciale në shtëpi, nën shoqërinë e gjashtë fëmijëve që ka me Jolie.
