Chelsea ka përmbysur Liverpoolin në përballjen me tyre në kuadër të Carabao Cup. Një ndeshje fantastike dhe me shumë emocione e cila vuloset nga një super aksion i Eden Hazard i cili përfundon me topin në rrjetë.
Pjesa e parë është zhvilluar në ritme të larta dhe me shumë raste për të zhbllokuar takimin, por Morata-Fabregas nga njëra anë dhe Mane-Keita nga ana tjetër kanë shpërdoruar disa raste. Në pjesën e dytë është Sturridge që shpërdoron me portë bosh, para se shënonte golin e avantazhin.
Sarri mundohet të reagojë duke futur në fushë Hazard, por Liverpool mbetet në kontroll të ndeshjes teksa Blutë duken të lodhur. Por një goditje dënimi ndryshon gjithçka. Pas një topi të devijuar nga portieri, Emerson shtyn topin në rrjetë duke barazuar rezultatin. Sturridge mundohet të rikthejë avantazhin por traversa i mohon një gol nga distanca.
Por një aksion më pas Eden Hazard e merr situatën në dorë dhe shënon një gol fantastik pas një aksioni personal. Chelsea përmbys gjithçka në Anfield dhe kalon në raundin e 4-t. Edhe Arsenal ka bërë detyrën përballë Brentford duke e mposhtur me rezultatin 3-1.
