Gjykata e Tiranës caktoi masën e sigurisë “arrest me burg” për Hektor Xheçukën i arrestuar për vrasjen e Emiljano Boçit në Janar të këtij viti.
Seanca është zhvilluar me dyer të mbyllura ku 30-vjeçari ka mohuar akuzën e prokurorisë, atë të vrasjes me paramendim.
I riu u prangos në pikën kufitare të Kakavijës, duke hyrë në Shqipëri 3 ditë më parë.
Organi i akuzës tha se ka prova për implikimin e Xheçukës në këtë ngjarje.
